Monday, September 19, 2005

பருவ காலங்கள்


எல்லாரும் படம் காட்டறாங்க. நாமும் காட்டலாமே என்று இந்த பதிவு..

அமெரிக்கா வந்த புதிது. சரியான குளிர் நேரத்தில் வந்து சேர்ந்தேன். மைனஸ் 25 குளிர் எல்லாம் சாதாரணமாக போகும். சர்வ நாடியும் ஒடுங்கி போய் விடும். எங்கு பார்த்தாலும் பளீறென்று வென்மையாக பனி. வெறும் தரையையே பார்க்க முடியாது. திரைபடங்களில் மட்டுமே பார்த்த பனி மலைகள். கதாநாயகனும் கதாநாயகியும் பனிகட்டியை எடுத்து எறிந்து கொள்வார்கள். நமக்கு கேட்கவா வேண்டும். வார இறுதி நாட்களில் எனது அறை நண்பர்கள் மூன்று பேருடன் படப்பிடிப்புக்கு கிளம்பி விடுவோம். ஆளுக்கொரு கேமரா இருக்கும். பனியில் படுத்துகிட்டு ஒன்னு, பனிக்கட்டியை தலையில் வைத்துகொண்டு ஒன்னு, தலைகீழாக நின்னு ஒன்னு என்று ஜோராக படம் தயாராகி கொண்டிருக்கும் (எல்லாம் ஊரில் படம் காட்ட தான்.)

விசயத்துக்கு வருகிறேன். பள்ளிக்கூடத்தில் 4 பருவ காலங்கள் படித்ததாக நியாபகம். நம்ம ஊரில் கோடை காலம் மட்டும் தான் நமக்கு தெரியும் (சென்னை வெயில் காட்டு காட்டுன்னு காட்டும்ல). மழை காலத்தில் வானத்தை பார்த்து பார்த்தே மழை காலமும் ஓடி விடும். வசந்த காலமும், இலை உதிர் காலமும் (மரம் இருந்தாதானே இலை உதிர?) பாடத்தில் படித்ததோடு சரி (ஊட்டி போகனுமோ என்னமோ?).

இங்கே அமெரிக்காவில் எல்லா காலங்களும் அழகாக தெரிகிறது. பனி காலத்தில் (Winter) ஒரே வெண்மை நிறம் ( 6 மாதம்.. கொடுமை). அது முடிந்ததும் இளம் பச்சை நிறத்தில் வசந்த காலம், அழகு நிறங்களில் பூக்கள், அப்போது தான் தளிர் விடும் மரங்கள். அதுக்கப்புறம் கரும் பச்சை நிறத்தில் கோடை காலம். பின் வரும் ஆரஞ்சு/மஞ்சள் நிற இலையுதிர் காலம். அழகு தான். படத்தையயும் பாருங்களேன் (எல்லா படமும் நான் தான் எடுத்தேன். எல்லாமும் ஒரே தெரு தான். பருவ காலங்கள் தான் வேறு)

பனி காலம் (Winter) - வெள்ளை நிறம்.






வசந்த காலம் (Spring) - இளம் பச்சை


கோடை காலம் (Summer) - கரும் பச்சை









இலையுதிர் காலம் (படத்திற்க்கு இன்னும் ஒரு மாதம் காத்திருங்கள். இப்போது தான் கோடை முடிய போகிறது).

5 comments:

வசந்தன்(Vasanthan) said...

படங்கள் நன்றாக வந்திருக்கிறது.
இன்னும் பலபடங்கள் போடுங்கள்.
உங்கள் வாத்துப்படமும் நல்லா வந்திருக்கு.

Anonymous said...

Siva,
Beautiful photos ellam.Ungalulku nalla camera senseum iruku nu theriyaradhu.Flowers and ducks photos um parthaen.Nalla rasanai ungaluku.

Innum oru art dhan bhaki ungalidam!!! Kavidhai!!! Adhaiyum ezhudhiteengana neenga all in azhugu rasa dhan!!!

With Love,
Usha Sankar.

மதுமிதா said...

படங்கள் அருமை சிவா.
உங்கள் ஒளிப்பதிவுத்திறனுக்கு ஒரு ஓ

Anonymous said...

சிவா
நீங்களும் நெட்டில் சுட்டதாய் தெரியவில்லை

குமரன் (Kumaran) said...

Fall picture eppo varum?